自細阿媽就教落：「夾餸要夾近自己個啲，唔好飛象過河，更加唔可以摷亂晒碟餸，唔係人哋會話你冇家教。」係係係，不過食盆菜就可以俾大家一個放肆嘅機會，即使你將對筷子反轉再反轉，起勢咁摷都唔會有人哦你，因為呢個先係食盆菜嘅獨有文化。傳統上，圍村人每逢節慶都食盆菜，全家人十幾對筷子起勢往盆裏摷，好不熱鬧，今個星期日就中秋，要訂盆菜係時候啦！
記者：盧家蕙
攝影：周旭文、陳智良
十料盆菜大解構：
鮮味頂層：
神仙雞：先以塗上玫瑰露、糖等醃料再蒸，絕對食到本地雞獨有的嫩滑口感和鮮雞味。
冬菇：以雞汁燴過的，既軟腍又富菇香。
鮫魚丸：自己先起肉起骨，再打至起膠的花鮫魚丸，比別家用的門鱔魚丸更貴價，彈牙之餘又有鮮魚味。
海蝦：一看便知份量十足，足足有四五吋的椒鹽大海蝦，很惹味香口。
炸門鱔：大門鱔原條炸香，再斬成一件件，脆漿不厚身，咬落啖啖鱔香，新鮮又香脆。
惹味中層：
土魷：用上元朗人自家曬的土魷魚，特別爽身和有咬勁。
豬肉：新鮮的五花腩燜上個多小時，肉質較嫩，而且食落唔黐牙，勁入味，必食推介。
索味底層：
蘿蔔：白蘿蔔弄得夠腍、甜、無渣，放在底層吸晒南乳汁的精華，雖說留在最後吃才最美味，不過饞嘴的人多數忍不住要先摷出來嘗一口。
豬皮：沙爆豬皮爽口又索汁，五香、南乳味很香濃。
豆腐卜：名副其實的吸汁海綿，咬一口已經咇晒啲汁出來，正！
兩代燒足70年
元朗盆菜店愈開愈多，家家都打正「最正宗」旗號。屏山盆菜的大廚鄧聯興做盆菜數十年，享譽盛名，被村內認定是最出色的一間，連食神梁文韜都讚不絕口。
聯哥的盆菜之所以受人追捧，多少因為用柴燒，火力夠猛，那份非一般煤氣爐所弄到的芳香天然的味道，的確令人難以忘懷。聯哥說：「每逢大時大節，我都會在這裏柴燒盆菜，不過平日定單不多，則在店中（以石油氣爐）煮而已。」要吃柴燒盆菜都要講緣份，據聯哥講，10月國慶、過年、千人宴等規模才會用柴燒。
傳統風味，是由於百多年歷史的祠堂內的廚房，三四百呎的廚房，四周都給柴火煙熏得黑漆漆，看來頗殘舊，但內裏的大鑊、巨鏟、柴燒爐灶就是屏山盆菜的見證，它們是鄧聯興父親在過去六七十年的好夥伴，聯哥十多歲便跟老父出入廚房，直至鄧老先生年紀漸大，便正式由聯哥接棒，之後更讓正宗圍村盆菜發揚光大。
屏山盆菜
地址：元朗屏山盤塘坊村36號（文物徑路口）
電話：26178000
營業時間：9:00am-9:00pm
素食盆菜材料（由上至下）
七彩神仙魚：芋頭魚，魚身灑上一層薄身的芡汁，混合了甘笋絲、青椒絲等，色彩繽紛而得名。
脆皮長春卷：足足有十三件，內有甘笋絲、蘿蔔絲、冬菇絲、木耳絲等，口感豐富。
八珍扒豆腐、金錢發財好市
菜膽鮑魚菇、鼎湖羅漢齋、老少平安果：這三款沉底齋菜都是細細件的，而且浸得最久，不妨用湯匙舀多一點，放進碗內混起來吃，味濃又有咬口。
收費：盆菜約12人用$750，中盆約6-8人用$438，齋盆菜則按各層用料而定，由$450-650不等。（外賣一日前預訂）
素食盆菜傳統風味
香港素食者愈來愈多，想一嘗盆菜？唔使愁，元朗大樹下天后廟款客堂就推出了齋盆菜，不少遊客都喜歡先入廟作福、拜神，之後就轉移到款客堂食盆菜。鄧先生創作出素食盆菜，但亦講究傳統風味，對於新式盆菜，佢話：「那些都是投機作業的盆菜，怎會及得上老師傅做出圍村風味的正宗盆菜呢？」素食盆菜各款齋菜咬落去沒有成口油，不覺肥膩，閒來食一餐清清哋，健康之餘又可以調理腸胃，不論你是否茹素者，相信都會滿意！
食客有Say
元朗大樹下天后廟款客堂
地址：元朗大樹下東路天后廟
電話：24760285/91947258
提供速遞及服務預訂堂食
盆菜源於落難皇帝？
據史書記載，公元1276年南宋末年期間，奸臣誤國，文天祥、陸秀夫等自浙江安徽逃至福州，立端宗趙罡為帝，因受元兵窮追，先經漳州而至九龍，駐蹕於九龍灣西，後移師向西，經今日之新界一帶，居民以皇師抵境，乃殷勤招待，家家戶戶都把家中的珍貴美食傾巢而出，為了令食物看起來更尊貴，村民先把雞、豬肉、鮮蝦等放在上層，較粗陋的食物則排在下層，惟倉卒間未能準備足夠的盛菜器具，故以木盆盛菜，因而演變成今日別具風味的盆菜宴。
西餐都話做盆菜
新派盆菜近年愈來愈多，平民版、富豪版盆菜應有盡有。都試過，不如嘗嘗西式盆菜吧。說是盆菜，不如說是拼盤，因為每樣食物都不是以層層叠叠的方式擺放，只是放上一個可轉動的盤子上，不過大時大節依然可以食得開心，因為食物跟中式盆菜同樣豐富多變，棄用筷子和公雞碗，拿起刀叉食盆菜，又幾特別喎！
西式盆菜套餐（四人用，$680）
生蠔海鮮盤：作為頭盤生蠔海鮮盤，內有新鮮海螺、青口、蝦、生蠔。
廚師餐湯：可選海鮮忌廉湯或雜菜清湯。
材料：香燒乳豬肋骨、新西蘭羊仔扒、炭燒鮮西冷、海鮮扁意粉（用蒜香白酒牛油炒成的爽滑彈牙扁意粉，內有青口、鮮蜆和魷魚圈。）、扒海鮮蘆笋、蒜香雜菜、香料薯角。包咖啡或茶
鯉景灣吹水館炭燒餐廳酒吧
地址：西灣河鯉景灣觀峰閣地下GA8-9號舖
電話：29671666
