曾志偉旗下新人林苑最近成為樂壇生力軍，她繼陳慧琳和陳奕迅後，獲香港麥當勞邀請拍攝新一輯廣告。
邊食邊拍廣告
廣告內容講述林苑為了趕到餐廳吃新產品而匆忙出門口，連頭也未梳，又只穿一隻襪。林苑對自己的廣告造型亦忍俊不禁。她說：「其實我覺得呢個造型有啲搞笑，不過都好可愛。而且同我現實都有啲似，因為平時嘅我都會成日因為趕住出街唔記得拎嘢，今次能夠有機會接拍呢個咁大型嘅廣告，我感到好開心同緊張，我重可以一邊食嘢一邊拍嘢，就算嗰晚要拍通宵都唔使怕。」
此外，林苑本周六會跟譚詠麟（阿倫）在無綫節目《星光熠熠耀保良》中合作，她說：「阿倫係我嘅偶像，可以同佢合唱，我好開心。我嘅新碟其中一首歌《愛太難》係將阿倫嘅《忘不了你》改編而成，當晚我哋會合唱呢首歌，我唱國語版，佢唱廣東版。」