星島啱啱出完《頭條日報》，噚日又開記者會宣布呢個禮拜六出多份《快線周報》，計劃印三十萬份。老闆何柱國話比較過其他報紙，《蘋果》同《都市》出咗三個月後啲廣告先開始多，佢哋嘅《頭條》出咗無耐廣告費已經比「其他競爭者」高三倍，發行量由開始嘅三十萬變到𠵱家嘅五十幾萬份，「連麥當勞都搵我哋（擺報紙響佢哋度派），係佢搵我哋，唔係我搵佢喎！」所以佢想食住個勢，攻佔埋周末行街客嘅市場。
對於出版咁多份報紙，何老闆話唔憂慮環保問題，佢話「報紙係攞嚟揼㗎嘛！邊有屋企會收報紙？我覺得對環保冇影響。」《快線》社長盧永雄就補充話「我哋會呼籲乘客睇完擺返去回收箱。」
爆料熱線：29290000、27860099
報料傳真：26239278
報料電郵：[email protected]