何文田亞皆老街九龍醫院康復大樓地下大堂公眾廁所，病人家屬投訴衞生情况惡劣，經常無人清潔，男廁尿兜經常損壞，又不作維修，令使用者不便。
病人家屬向本報投訴稱，「康復大樓啲廁所好唔乾淨，地下成日都濕𣲷𣲷，令人好容易跣倒，唔知係唔係好耐冇人清潔？男廁啲尿兜壞咗，只係就咁用膠桶裝住漏出嚟啲污水，唔見有人修理，醫院好應該快啲跟進改善。」
九龍醫院回覆本報查詢稱，職員每日均會清理康復大樓內廁所數次，並有監督人員監察衞生情況，監督人員早前巡查廁所，發現衞生狀況正常。
九龍醫院稱，康復大樓地下大堂男公眾廁所尿兜，因經常被人誤用引致損壞，職員每當發現此情況，均會盡快維修，惟尿兜仍然經常損壞，院方會張貼通告勸告使用者，希望情況有所改善。
（○八二七○三一）
投訴請附上姓名、地址、電話。有關資料僅供聯絡，絕對保密。匿名投訴恕不處理。一經投訴，本報保留刊登權利。
服務熱線
電話：29908288
傳真：23702192
電郵：[email protected]