住宅按揭貸款市場內，固定利率產品再轉熱鬧，早排銀行相繼推出二按定息優惠，最近再進一步，連一按都定息。𠵱家九成半按揭定息，一般首年息率四厘六八，兩年就四厘八三，三年係四厘九八。
按揭證券公司重多個選擇，就係五年定息，息率由五厘四五到五厘四八。抵唔抵，要睇息口走勢。聽講，按揭公司之前都有五年定息，但一直冇人留意，近期再喺網頁列出。為乜，都唔使講啦。
經絡鄭偉雄預期，更多銀行加入定息戰，定息按揭比例年底前會升逾一成。
舊年頭三季，定息市場活躍，比例最高逾一成半，之後回落，今年低到接近零。
電郵地址：[email protected]