二十七歲的Mikage原本養了四頭愛貓，其中一隻白色波斯貓Latte雖然貪睡、貪吃，但其可愛的小動作卻深得主人歡心，原本「一家五口」生活樂也融融，但三個月前家中傭人因疏忽，在洗衣服時誤將Latte連衫一併放入洗衣機內，結果把Latte活活「攪」死。「當時真係好心痛，好大打擊，覺得係咪自己做得唔好，累死隻貓。」Mikage說。
「件事發生之後做乜都提唔起勁，成日胡思亂想，佢點解就咁走咗。」這種不安內疚的情緒足足纏繞了Mikage個半月，到最近才稍為紓緩；而為悼念愛貓，他已把Latte的遺體送到寵物善終服務公司處理，兩星期前更把牠的骨灰撒下海。
本身是社工的Fiona，在年多前也因飼養達十三年的西施狗甜甜離世而傷心了大半年，「到𠵱家屋企人依然好掛住佢，有時想起，自己都會忍唔住喊，雖然我哋已養咗另一隻狗，但好多時都會叫錯名！」
本報記者