張可頤近日因病辭演無綫新劇《上海傳奇》，繼苗僑偉前日公開勸她戒煙後，郭可盈昨日宣傳劇集《酒店風雲》時，有意無意間寸張可頤抽煙傷身，還即場呼籲煙民戒煙，又大讚由向海嵐頂替張可頤是最適合不過。
郭可盈、馬德鐘及官恩娜等昨日到旺角新世紀廣場宣傳無綫劇集《酒店風雲》，他們在台上蒙眼玩遊戲，之後又與現場觀眾分組製造月餅及鬥快開沙田柚，場面熱鬧。
呼籲戒煙
張可頤近日因病辭演無綫新劇《上海傳奇》，前日該劇開鏡拜神，苗僑偉更公開勸張可頤戒煙。盛傳與張可頤不和的郭可盈昨日便說：「唔知佢（指張可頤）食煙喎！我都呼籲大家唔好食煙，最好戒到就戒啦，冇益嘅嘢最好唔好擺落身體，好傷身㗎！」對於由向海嵐頂替張可頤飾演《上》劇的小籠包王后一角，郭可盈則盛讚她說：「我覺得佢好適合。」
而無綫近日重播郭可盈十年前所拍的劇集《刑事偵緝檔案》，見她臉頰明顯比現時飽滿，郭可盈解釋說：「嗰套係我入行第二套劇，以前面上嗰啲係脂肪同肌肉，腮骨重喺度，我冇磨腮骨嘅，以前啲化妝、服裝同𠵱家好唔同。」
此外，馬德鐘早前在國內與郭羨妮合作拍攝劇集《爭霸傳奇》，對於有報道指郭羨妮在片場隨處大小二便，馬德鐘昨日力撐拍檔說：「呢啲報道真係無聊，唔講呢啲核突嘢。」
採訪：卓美娟 攝影：陳偉權
