美聯美善會招聘義工，計劃與老人家慶賀中秋。 佢哋聽日去大窩口循道衛理亞斯理社會服務處，向區內獨居長者送溫暖，送月餅同生果，等班獨居老人可以開心過中秋。過去兩年，佢哋都去嗰度搞同一活動。 美善會委員會會長林鳳芳話，有見於慈善團體喺盂蘭節派米發生意外，所以今年唔會齊集社會服務處搞活動，改為逐戶探訪傾偈，然後送生果、月餅。