許志安昨日到商台接受訪問，對於舊愛鄭秀文（Sammi）憑電影《長恨歌》角逐威尼斯影展「最佳女演員」落敗。
問安仔會否致電慰問？安仔說：「唔使慰問啦，其實香港電影得佢哋一部有份參選，已經好威同好開心，佢喺我心目中已經攞咗獎。」問安仔稍後會否欣賞《長》片？他說：「有時間都會睇。」
為失準道歉
另外，安仔被指在參演《迪士尼樂園開幕典禮》中表現失準，他對此說：「我冇睇番自己當晚嘅表現，如果有人覺得我走音嘅話，真係唔好意思，下次唱番好啲，但我喺現場聽住耳機，唔覺得有問題，啲音響重好靚㖭！」
安仔表示可能歌中有句是玩音，所以令人誤會走音，但安仔強調說：「我唔係辯護，如果我真係唱得唔好，下次我會唱好啲。歌手都係人，都會有錯嘅！」
採訪、攝影：胡比