池珍熙到威尼斯影展宣傳有份主演嘅電影《如果．愛》，呢部歌舞片喺嗰邊做電影節嘅閉幕電影，完場後觀眾起身拍掌都有成五分鐘，池珍熙見觀眾反應咁好，都覺得好開心同感動，認為呢次威尼斯之行係一次唔錯嘅經驗。池珍熙做晒嘢後，前日特別抽時間去LV掃貨，佢對呢個牌子似乎情有獨鍾，去到邊度做嘢都好，有時間梗會去睇吓有冇新貨到。
任影唔嬲
早排池珍熙嚟香港時都幫過LV做宣傳，可想而知佢哋嘅關係唔錯，池珍熙喺威尼斯孭住嗰個背囊，都係呢間名店送畀佢嘅。佢喺威尼斯行街時撞到香港記者，態度好nice，重任影唔嬲，同台灣嘅周杰倫真係冇得比，難怪啲韓星愈嚟愈受歡迎啦！