碌冧！碌冧？唔係「碌軨」，碌冧係越南話，意思即係魚露。好多人以為泰菜至會用魚露，其實魚露來自越南。在這個發明魚露的國家，魚露當然種類繁多，當中級數亦大有分別。新開張，位於旺角的碌冧越南餐廳，夠膽以碌冧（魚露）為主題，就是採用了越南的頂級魚露創作大部份菜式！
記者：梁學文
攝影：楊錦文
Model：Katrina
頂級魚露來自藩切
新開張的碌冧法式越南料理，就破格以魚露為主題，主打用正宗越南頂級魚露做越菜。在越南，家家戶戶都會用魚露作為日常的調味料，就如中國人會用醬油作中國菜，意大利人就愛用茄汁一樣。最出名的魚露產自南越的「藩切」，那兒選用品質和鮮味最好的半透明白飯魚，一層魚一層鹽鋪入大木桶之中，任憑魚和鹽慢慢發酵一段時間，最後在木桶底開一個窿，讓精華流出，製成鮮味十足的魚露。最上乘的魚耐鹽度為40度，即鹽和魚是六四之比，這個比例魚露味道特別濃郁。此外亦有60度魚露，最適合用來配海鮮。
海鮮配60度魚露
這裏所用的魚露，較一般低鹽度的魚露成本高兩倍，份量十足味道好。他們的總廚Jimmy話：「除了甜品之外，基本上每道菜，我們都會落些少魚露調味，增加菜式的鮮味。」沒錯，加入了魚露後的菜式，帶出越菜的鮮味，菜式味道果然特別鮮。所謂「靠山食山，靠水食水」，越南就是一個沿海的國家，所以這海鮮類菜式特別出色。而海鮮類菜式，則會用上最配合海鮮的60度魚露，海鮮夠新鮮，再用上頂級魚露就更能帶出原本的鮮味。餐廳主題夠特色外，店內的裝潢亦頗舒適，特別是露天座位，感覺休閒。
越南大頭蝦新張期$98（原價$128）
嘩，真係足足成呎長，磅幾重，$100都唔使，價錢算係抵。新鮮大頭蝦蝦肉入口經已好彈牙，再配埋香露汁，味道更上一層。香露汁用楊桃、椰汁、番茄等材料調校而成，味道甜甜酸酸頗特別。除了香露汁，這個蝦當然都有落店內的特級魚露，鮮蝦加鮮魚，鮮上加鮮。
碌冧蝦$48
顧名思義，碌冧蝦梗係用碌冧煮啦！師傅選用基圍蝦，隻隻生猛新鮮，而且肉地好，跟各款香料好夾。這款蝦用上香茅、乾葱和金不換等香料，少不了當然是用上等魚露。Jimmy說：「基圍蝦來貨不多，每日售完即止，要試就要快手。」
香芒柚子蝦$55
這款香芒柚子蝦其實是沙律，用上鮮芒果、沙田柚和楊桃等生果，味道鮮甜好味。蝦肉彈牙不在話下，配以魚露，味道更好。重有幾日是就中秋節，食番個沙田柚楊桃沙律都幾應節喎。
火燄海龍皇湯$58
椰青原個上，中間挖空後加入清甜海鮮湯、椰青水和椰奶一齊煲。上碟時就會點火燒椰青的外圍，保持海鮮湯熱度。兩位用，材料有鮮蝦和魚肉等，用椰子海鮮湯煲，味道鮮甜。
生牛肉湯河$35
Jimmy：「我喺越南時發覺，越南人喜歡隨手拿到甚麼配料就加甚麼，非常貪方便，樣樣材料都要準備定，食時加湯就食得，生熟牛河就係咁誕生。」所以他也吸收了這個做法，湯河上碟時才在客人面前加入滾湯。他採用澳洲雪花肥牛，肥瘦夾雜口感一流。另選用了幼身的金邊粉，比一般的河粉爽口。
浮萍糕$22/4件
自家磨製米漿後入蒸籠蒸，即叫即做。白色的浮萍糕就像中越式腸粉，入口滑溜。內有蝦米和香葱，口感不錯，加些少魚露就更好。浮萍糕最好一上枱就食，熱辣辣又軟滑。
食客有Say
碌冧法式越南料理（26280331）
地址：彌敦道639號雅蘭中心一期6樓C舖
座位：約80個
營業時間：11:30am-11:30pm
