五十歲的阿芬早年與丈夫分開，她育有一名現年二十歲的中度智障兒子，其子住在宿舍，靠綜援金及傷殘津貼過活，而阿芬本身在酒樓當散工，但她近月身體轉差，又沒錢看醫生，阿芬希望過了這關口，再賺點錢，有一日可以接兒子回家團聚。
中醫藥費昂難負擔
「呢排成日頭暈、夜晚又瞓唔到覺，試過睇西醫食藥冇效，轉睇中醫調理身體，精神先好啲，可以繼續返工；但之前搬屋使咗一筆錢，𠵱家每次睇中醫診金連埋藥費要幾十蚊，根本負擔唔起。」阿芬愁眉不展地說。
阿芬早前獲房屋署編配公屋單位，支付搬遷費後，已無力應付家居的基本裝修，幸獲義工上門替其天花板及牆身髹油，另家中的雪櫃、衣櫃及枱櫈亦有賴他人轉贈。
近日阿芬健康轉差，經常頭暈不適，無法工作，不時尋求中醫診治，調理身體，致經濟拮据，她歎道：「始終做散工，唔係成日有工開，每月開支都繃繃緊；𠵱家淨係希望快啲調理番好個身體，趁有工開嘅時候，就盡量賺錢，將來有能力就接番囝囝返嚟住。」
蘋果基金撥款應急
蘋果日報慈善基金有見阿芬經濟困境，撥款一千元，助她應付短暫醫療開支。另外，阿芬亦希望獲善長捐贈一部洗衣機及衣櫃，改善生活。
捐款編號：C1799
暖流熱線
電話：29908688
傳真：23702192
電郵：[email protected]
網址： http://www.charity.atnext.com