黎明將於下月十日至十五日假座紅館舉行六場演唱會，還破天荒推出價值港幣四百八十元的最貴門票，較諸以往演唱會的最貴門票高出八十大元。為求照顧四方八面歌迷，黎明決定放棄原有的三、四面舞台，改以八面舞台登場！
黎明昨日現身九龍塘，出席將於下月舉行的六場個唱記者會，吸引半百fans在門外守候，演唱會嘉賓杜汶澤則以一身白色西裝造型撐場。
最緊要有水準
主辦商張耀榮自言四年前已一直哀求對方開演唱會，而黎明今次個唱最高票價亦由慣常的四百元增至四百八十元。
問到他是否演唱會製作費甚高時，黎明謂：「製作費真係唔需要講，每次演唱會都有水平，最緊要係觀眾睇到同感受到，自己開心觀眾都開心先有滿足感。」
舊歌重新編曲
此外，黎明今次個唱更首次開八面舞台，配合各方觀眾。黎明謂：「三面同四面都開過，想試吓啲新嘢，等個個（歌迷）都可以照顧得好好。」選歌方面，黎明透露將以舊歌為主，他說：「阿Mark（雷頌德）會將啲歌重新編曲，到時會比較有新鮮感。」
為了令演唱會更有新鮮感，黎明特別請來杜汶澤擔任嘉賓，負責戲劇部份演出。問阿澤可擔心黎明要求太高，他說：「唔會喇！大家都知道大家做嘢嘅要求同方法，如果真係夾唔到，就連之前拍戲都拍唔到啦！」
採訪：王崇穎
攝影：葉君海
