信和呢期積極搞商場活動，好似「夢想家園」繪畫比賽，第一階段兒童及少年組，上個禮拜頒獎，地點係自由行熱門勝地大角嘴奧海城，冠軍楊芷恩小妹妹只得十歲，佢嘅夢想家園係可以望到藍天、白雲及山巒嘅屋企，又可以聽到小鳥唱歌，紓緩功課壓力。 第二階段公開組及大專學生組，即日起至十一月四號舉行。 公開組勝出者可獲等離子電視，大專學生組獎品包括獎學金及學術考察團，詳情見www.dreamhome.com.hk。