亞洲小姐特區賽區和內地入圍佳麗昨日應邀到沙田馬場為「賽馬之星大道」擔任揭幕嘉賓。而一眾馬迷在看台上見亞姐入場時即「口花花」，但有人叫道：「睇佢哋不如睇馬！」
應屆亞洲小姐競選特區賽區和中國內地賽區入圍的佳麗經已誕生，昨日即接獲首項任務，十一位亞姐應邀到沙田馬場，為「賽馬之星大道」揭幕擔任嘉賓，並獲委任為親善大使。
簡Sir邀請
特區賽區季軍王婧從簡炳墀手上接過委任狀時，表現興奮，她解釋說：「有獎攞咪開心囉！我第一次嚟馬場，簡炳墀都叫我得閒嚟玩下賽馬，不過我未買過馬，有機會試下買啦。」
當一眾亞姐行經公眾席抵達會所時，看台上的馬迷即聞風而至，爭睹亞姐風采，但有馬迷口花花叫道：「睇佢哋不如睇馬！」亦有途人稱讚特區賽區冠軍袁詩媛嬌滴可人，一眾亞姐儼如馬場巡遊。
全部輸晒
事後季軍王婧表示：「佢哋嚟馬場，梗係睇馬多過睇我哋啦，好正常。」而冠軍袁詩媛則稱沒有聽到馬迷的稱讚，她說：「我只覺得啲馬迷好似觀眾咁，我爸爸係馬會會員，間中會跟佢入場，都買過馬㗎，但全部都輸晒！」
採訪、攝影：卓寶花
