「我嘅信仰就係迪士尼，唐老鴨就係我嘅寫照。」超級迪士尼迷張偉基，家裏珍藏的唐老鴨精品數以千計，他每季都會到日本迪士尼朝聖兼掃貨。香港迪士尼還未開幕，他已兩度造訪，當巴斯光年在大巡遊中跟他擦身而過，「嗰刻我太開心，嘩一聲喊咗出嚟！」難耐心中激動，只因迪士尼樂園告訴他「夢想係可以成真」。
張偉基身上的Ｔ恤、電話繩、證件套和頸鏈，都有唐老鴨標誌。「唐老鴨同我好相似，佢好容易發脾氣，其實係不滿現狀，要追求十全十美。」約三十歲的張偉基自八歲開始就愛上唐老鴨，「嗰時阿爸去東京迪士尼玩，買咗條唐老鴨手巾畀我，之後我就慢慢收集唐老鴨精品。」
尋回童真了解自己
他家裏的睡房放滿唐老鴨，還在元朗租了一間小屋，建立自己的唐老鴨樂園。他每次外出都會帶着一隻唐老鴨搪膠公仔，在不同地方替他換衫拍照。問他「男人老狗」仍「玩公仔」，會否被朋友取笑？在香港電台任文教節目唱片騎師的他說，每個人都有自己的嗜好，「總之我工作時會保持認真。」「做嘢壓力咁大，入到樂園可以搵番自己嘅童真，更加了解自己。」
上周他首次進入香港迪士尼樂園，讓他有回到家的溫馨。「我同屋企人一齊入去，諗起細個屋企唔係咁有錢，有能力一家入迪士尼玩，今日終於可以實現到呢個願望。」
迪士尼負面新聞浪接浪，但張偉基仍努力為樂園辯護，「你哋挑剔樂園太細，咪等於入到快餐店話點解冇魚翅食？」三萬人迫爆樂園，但他認為「三萬人一齊去中環食飯都死啦。」迪士尼刻薄員工，他說：「香港邊間公司唔剝削呀？」迪士尼阻礙食環署人員執法，他無奈批評迪士尼「好鬼霸道」，但強調應給予改過機會。
償夙願與偶像合照
美國、日本跟香港迪士尼也有他的足迹，但這位唐老鴨迷原來從未跟「偶像」合照。「我同唐老鴨一樣咁心急，入到樂園見唔到佢，咪即刻走去第度買嘢，點知次次都緣慳一面。」張偉基昨日終在香港迪士尼償願，捉着偶像合照後頻說：「真係好興奮。」
記者：雷子樂