特區政府宴請曾副主席，主家席只有二十四個位，真係有錢都未必有得坐，八方見到自由黨嘅副主席劉健儀有份親近權貴，覺得好奇怪，皆因全枱得佢同寶哥哥係立法會成員。
啊，原來因為范太不在港，劉健儀做代表，唔怪得自由黨主席田北俊恨唔到啦，另一位黨副主席周梁淑怡雖一樣着得紅彤彤，又係行會成員，但只可以坐埋一邊。
難得大party，班女士們又爭妍鬥麗，陳四萬永遠最搶鏡，早前佢同統戰部部長劉延東喺北京合照，都好有型有款，眾人媽打李麗娟成個主人家咁，全晚同陳甘美華企喺門口迎賓。手袋黨中俞宗怡扮起上嚟都足以令人眼前一亮，冇畀余若薇靚晒。
傳真︰2623-9278
電郵︰[email protected]
