容祖兒前晚穿上低胸短裙，出席巨型萬花筒花燈揭幕儀式，她自嘲為趁熱鬧才敢如此打扮出席活動，展露毫無睇頭的身材，更自嘲說：「啲人睇到我着出嚟，會發出哀鳴。」
容祖兒與師弟吳浩康前晚到奧海城出席「中秋月滿萬花筒」揭幕儀式，大會安排醒獅表演，並由祖兒主持亮燈儀式，點亮放置於場內、高三十八呎及長與闊各三十三呎、被譽為東南亞首個巨型萬花筒花燈。
「趁熱鬧着出嚟」
為隆重其事，祖兒特穿上吊帶低胸連身短裙配大紅絲襪上陣，打扮性感又搶眼，她透露已購下裙子多時，但以往因較胖而穿不上，現在消瘦了終可穿着，令她十分高興。問祖兒當時為何購買一條不合身的裙子？她笑說：「特登買嚟望自己瘦嘅時候着到呀。」
對於一身打扮，祖兒自嘲道：「都冇乜嘢睇，我自己趁熱鬧啫，啲人睇到我着出嚟，會發出哀鳴。𠵱家着出嚟好舒服，如果真係好勁就唔着呢啲衫啦。」未知對個人身材可感滿意？她說：「好滿意，好有信心，夠晒有突。」
五隻貓最名貴
提到鄭希怡（Yumiko）自稱家中閉門失竊，疑被熟人盜去逾二十萬元的名表，對此祖兒說：「最緊要都係小心啲，我冇請鐘點女傭，屋企有個夾萬，唔會唔安全，平時屋企會閂晒窗，啲貴重嘢都收埋喺夾萬度，但最名貴都係我，重有五隻貓同啲獎。」
採訪、攝影：魯萍
