為推廣本地足球運動，香港甲組勁旅愉園上周六往喇沙小學，為一班六至十二歲的足球小將傳授足球技術。愉園教練黃耀信表示：「足球就係咁先有意思，球員教得開心，學員學得興奮。小朋友從小接觸球賽，足運嘅將來先有成功嘅一日。」
灌輸快樂足球概念
甲組聯賽目前尚在季初階段，加上距離下一戰尚有十天時間，愉園大軍上周六特別放棄一天訓練時間，拉隊到九龍塘喇沙小學進行足球示範。出席球星包括蔣世豪、李偉文、潘耀焯和范俊業等一眾港腳，另去屆神射手奧利韋拉、法比奧、馬些路和伊雲羅四名外援全部到場，球員透過簡單的傳球、射術和盤球練習，為在場二百多名小朋友灌輸快樂足球。
教練黃耀信說：「呢啲活動幾有意義，如果時間配合，愉園都好樂意參加。你睇外國嘅足球比賽，出場儀式時球員多數會拖住一班小朋友，雖然好似冇乜特別咁，但其實對呢班細路仔來講，已經係一個好好嘅經驗。」愉園領隊石金華指出，球隊今年除了以成績為主要目標外，我們亦希望做到打入校園，多到訪學校進行示範，達到吸引學生球迷的另一目標。