曾慶紅在港的行程雖極為緊湊,但仍不忘注意穿衣之道。他參觀馬會、探訪得寶花園居民及彩頤居長者時,均穿上潔白的長袖恤衫,配以黑色的西褲;到訪國際金融中心、中聯辦及出席晚宴時,則換上整齊的黑西裝,繫上暗紅底色、黃色線條的領帶。有時裝設計師指曾的衣着恰當,品味可與西方領導人看齊,惟探訪民居時不宜穿恤衫。
時裝及形象設計師夏嘉懋認為曾慶紅的衣着頗得體,昨日天氣稍炎熱,加上是星期日,曾探訪巿民時卸下西裝,可以表達親切,打破隔膜,「打呔西裝反而唔好,令人覺得高高在上,𠵱家咁樣就不失斯文。」
家訪可再隨便一些
另一時裝設計師鄧達智則認為曾仍過於拘謹,「可能佢太倉卒啦,探訪家庭可以再casual(隨和)啲,可以着件Polo恤,淺藍色、白色都幾好,有格仔嘅,可以更平易近人。」鄧指曾一套衫「着全場」可以原諒,但建議對方在不同場合配搭不同顏色的領帶。「其實佢去馬會淨係着恤衫係有啲odd(奇怪),佢可以打番呔,淡金色呀、條子都可以,出席晚宴時可以用番深色、棗紅色,就可以顯出佢嘅地位。」
曾慶紅昨日到訪得寶花園住戶時,曾緊握着男主人的手,又不時拍其大腿,訓起話來會豎起食指,指向上方,在彩頤居與長者茶敍時則不斷與長者握手。常往內地營商的鄧達智說,這些動作在內地是非常標準的做法,「好似搭膊頭、搭大髀或者膝頭,有時喺內地傾生意,可能會成個過程搭住你大髀,起初都會有啲唔慣,但係喺內地係表達親切嘅意思。」
本報記者