張栢芝昨日於銅鑼灣拍攝電影《野蠻必殺技》時，默認與外籍男友的感情穩定，並表示很希望與男友天長地久，栢芝又謂很羨慕鄭伊健和梁詠琪（GiGi）公開戀情後，獲大眾認同。
張栢芝、古巨基和元華等昨日在銅鑼灣拍攝電影《野蠻必殺技》，早前栢芝被指與其英文補習老師譜出師生戀，但栢芝上月初默認戀情後，月中忽然又指「老外」男友已成過去式，不過昨日她被問及與「老外」的感情時，又表示希望與他長長久久。
二十五歲轉捩點
栢芝說：「以前嘅我會覺得拍拖係二人世界，唔需要公開，但我𠵱家大個女，二十五歲係一個轉捩點，工作同感情都會轉去第二個方案，總之同男朋友穩定就會公開。因為我𠵱家二十五歲，希望對象可以同我長久啲，亦希望好似梁詠琪同鄭伊健咁，公開咗個個戥佢哋高興，不過𠵱家重要多少少時間去認清。」
那麼栢芝的對象可是早前的外籍補習老師？她表示從沒說過對方是其補習老師，栢芝說：「一句講晒，我係一個專一嘅人，單身咗兩年幾，唔容易搵一個新嘅。」
而古巨基則透露與栢芝有一場肉帛相見的醫病戲，如楊過與小龍女練玉女心經般，問基仔有否尷尬？他笑說：「冇喎，係借位拍，好似冇着衫，不過栢芝用手機影低留念，我第一次拍呢啲大膽戲，不過我冇露兩點，因為我嗰兩點好似對眼目屈住人咁，重有『眼睫毛』㖭！當栢芝摸我個胸時，我都有即時谷行啲，可以man啲。」基仔可有摸栢芝？他即笑說：「嗰場戲講我重傷昏迷，唔可以有反應。」
採訪：馮美茵 攝影：何國豪
