近排風波不斷嘅考評局，唔知點解啲職員由上至下都特別躁。噚日考評局喺長沙灣天主教英文中學租咗個禮堂同對出嘅平台，做英文基準試嘅試場。八方噚日同成班行家去影相，點知一入學校就有個自稱代表考評局嘅外籍人士兇神惡煞係咁鬧！
個鬼佬好得戚咁講，記者唔可以喺操場，唔可以騷擾啲考生，無端端重鬧埋學校嘅校工叔叔無盡責，重命令人哋報警喎！有啲考生睇到個鬼佬咁惡、咁囂張，都睇唔過眼，過嚟叫佢收聲，但係佢一於少理，繼續鬧記者。
八方起初以為佢租晒成間學校，後來向校長求證後，先知原來考評局只係租咗禮堂同禮堂對出嘅平台啫！雖然考評局公關事後都有道歉，但八方認為佢哋啲職員都係飲多啲涼茶，下下火好啲。
傳真︰2623-9278
電郵︰[email protected]