劉德華、黃日華、林家棟和兩位童星薛立賢及黃樹熹，昨日於將軍澳宣傳電影《童夢奇緣》，吸引逾百市民圍觀，場面墟冚。
早前被斬傷的賢仔是華仔的fans，華仔表示已送上慰問卡，亦已知他出院休息，華仔表示最想問候是賢仔嫲嫲，因為覺得她也需要心理輔導。
勸迪士尼正視問題
日前陳慧琳（Kelly）投訴迪士尼高層服務態度差，並不符合華仔提倡的服務態度，華仔聞言笑說：「我知Kelly唔係亂咁噏嘅人，可能係個別例子，外國人唔明我哋香港嘅工作態度，因為迪士尼應該喺Kelly心目中有一定份量，連佢呢啲死忠派都覺得有問題，就真係有問題，不過係支持佢哋先會有反對聲音，所以大家應該正視。」