馮仁昭四圍超：
脹爆朱孝天煲煙留鬚玩頹廢

朱孝天大前晚喺台北晶華飯店出席攝影師朋友許品詩嘅婚宴，佢重幫一對新人擔任攝影師，不過佢嘅出現竟然令到全場為之側目。
好耐無出現嘅朱孝天唔單止肥咗重留到成面都係鬚，同以前個靚仔樣完全唔同晒，重俾人稱呼佢做「大鬍孝天」。婚宴飲到一半朱孝天突然煙癮發作，蹺晒腳煲完一輪煙，轉頭又企喺度起勢煲，不過朱孝天嘅助手就話：「他平常不抽煙，但如果有人拿煙給他，他就會抽。」

言承旭賀林嘉綺

對於朱孝天呢個咁出位嘅造型，佢助手就解釋話：「他不接戲時不刮鬍子穿着也較隨便，藝人嘛總有輕鬆的時候，但他沒發胖喇。」相反F4另一名成員言承旭，大前晚就以一貫靚仔樣，出席名模林嘉綺嘅生日會，雖然言承旭個緋聞女友林志玲同林嘉綺係死敵，但係並無影響到佢哋之間嘅友情，原本林嘉綺知道言承旭忙於拍戲，都無諗住請佢嚟㗎啦，點知言承旭就專登到場，畀個咁嘅驚喜女方，認真畀面啦。