關智斌（Kenny）、吳浩康、鄭希怡（Yumiko）、蔣雅文和李逸朗前晚在將軍澳電視城錄影《火爆音樂空間─零距離大唱遊》，節目將在中秋節期間於TVBS頻道播出，故全程均以普通話錄影，向來普通話半桶水的Kenny說：「我嚟緊嘅新碟有國語歌，同一班內地音樂人學咗好多普通話。其實最好係識個內地女朋友，但內地女仔鍾意年紀大嘅男仔，我咁孩子氣冇乜market。」
同事送保險箱
對於近日家中失竊四隻共值二十萬勞力士腕表，Yumiko說：「我最肉痛係唔見咗第一年入行生日時，買畀自己嘅勞力士。Mani（經理人）好衰，冇安慰我重話我啲嘢隨處擺，佢同公司啲人夾份送咗個保險箱畀我。」
採訪：卓寶花 攝影：何國豪