容祖兒昨日以香港兔唇裂顎協會愛心大使身份探訪小朋友，更向小朋友大派月餅，對於近日香港迪士尼收到不少投訴，就連陳慧琳亦指受到不禮貌對待，即將擔任開幕表演嘉賓的祖兒則力讚工作人員有禮貌，感到很滿意。
容祖兒（Joey）昨日於橫頭磡以香港兔唇裂顎協會愛心大使身份出席《聯fan所容祖兒愛心大派對》活動，除與小朋友大玩遊戲外，更即場向每位小朋友送上月餅預祝中秋節。
容祖兒自言近年盡量抽空出席探訪活動，她說：「雖然我今次係第二次嚟，但同成班小朋友玩得好開心，好有滿足感。其實呢班小朋友最吸引我嘅地方，係佢哋比較簡單同天真。」
「希望聽多啲讚美」
Joey今日會為迪士尼擔任開幕表演嘉賓，對於近日香港迪士尼不斷被指服務不佳，連陳慧琳早前為迪士尼拍MV時亦直指受到嚴苛對待。
雖然近日Joey亦有到訪迪士尼進行綵排，但她自言十分幸運未有受到任何不公平對待，她說：「前日開始我都有去迪士尼綵排，但我覺得都好有禮貌，對我同幕後啲工作人員都好好，況且接待我哋嘅都係外國職員，我就覺得好滿意，希望以後可以聽到有關迪士尼嘅多啲讚美啦！」
對於荷李活巨星尊尼普特（JohnnyDepp）亦會出席今日香港迪士尼的開幕活動，Joey說：「我都有問過迪士尼啲工作人員佢係咪嚟，但應該冇機會同台演出。」
採訪：王崇穎 攝影：何國豪
