成日話溫室效應影響全球生態環境，咁到底大家有冇諗過自己都可以為環保出一分力呢？若果有，今次就有機會啦！話說中電今年又搞「創新能源基金」，呢個基金每年會向被選中嘅個人或團體，總共撥款一百萬元，資助佢哋搞一啲又創新，又具環保教育意義嘅事。
好似舊年獲得資助嘅單位咁，其中天主教善導小學，就申請發展一個名為「小太陽發電站」嘅能源再生項目，主要係增加小型太陽能發電站嘅發電功率。
中電中人同八方講，呢個項目被選中，除咗因為有強烈環保意義外，最緊要係同學嘅參與度高，件事又簡單可行。
中電已經係第三年搞呢個基金，喺過去兩年，基金總共批出二百萬元，資助十九個項目，有太陽能發電，有風力發電，重有環保話劇㖭！
呢個基金嘅申請截止日期為下個月嘅三十一號，估計結果會喺十二月公布，有興趣嘅話就快啲行動啦！幫手推動吓環保意識！
爆料熱線：29290000、27860099
報料傳真：26239278
報料電郵：[email protected]