難得有假期揸部車去郊遊吓，忽然望到部車個表板，有盞橙黃色警示燈係咁閃，打埋死火燈停車兼揭開車頭蓋睇睇，發覺又無咩問題，最初都令筆者懊惱不已，及後才知道這盞黃燈是現今新一代汽車，尤其係部份歐洲車款的最新輪胎氣壓監察器（TiresSensor）燈號，若換裝有更安全的RunFlatTires，咁即使行車途中被刺穿輪胎，都有足夠時間去維修站換胎，唔使拋錨call拖車咁狼狽啦！
記者：陳偉林
攝影：陳偉林、陳偉強
ImageGirl：王穎
車輛提供：MiniHongKong（31299020）
防爆胎
強化內壁保持運轉
香港地小人多，相比起外國地大物博，假如在中途爆胎的話，唔單止搵輪胎店修補車胎困難，就連搵個人幫手換車胎都唔係咁易。有見及此，早陣子唔少輪胎生產商，開始着手研製新一代RunFlatTires。據知，這款車胎非一般防彈車所採用內附內膽的防爆胎，而是將車胎內壁強化加硬，就算遇上外物刺穿車胎的話，輪胎仍能保持運轉，確保你能去到就近的輪胎修補店。
寶馬幾近全線採用
有多間車胎供應商陸續生產RunFlatTires之餘，世界各地車廠亦開始在旗下車款中加入這類車胎，其中又以寶馬車廠最為支持，幾乎全線車系都採用外，新近為港人熟悉的平治S-Class、M-Class，又或者凌志SC430亦有使用。據筆者向各大車胎代理查詢，個別供應商更考慮引入RunFlatTires作零售，以應付用家的不斷需求。然而，市面部份較具規模的輪胎店，亦備有多款不同品牌的RunFlatTires供選購。
香港車手EricLoo：最啱走中長途車
Eric話RunFlatTires至啱走中、港兩地的長途車，免卻途中補胎的麻煩。
「RunFlatTires本身胎壁較硬，車胎重量亦比一般同尺碼普通車胎重，而且噪音較大，對於揸長途車司機，尤其係走中、港兩地嘅車主，途中唔容易搵到輪胎店嘅話，就最適合不過。至於呢隻胎亦唔限於一般轎車類型，正如日本石橋牌（Bridgestone）新近推出嘅RE050系列，運動性跟舒適性兼備，級數較同廠S-03更勝一籌，而系列當中亦同樣有RunFlatTires型號。」
RunFlatTires逐一睇
ContinentalSportContact2SSR屬新一代型號，胎壁上有SSR同RSC字樣作識別。
售價：$1,700一條
DunlopSPSport3000DSST專為中、小型轎跑車而設，胎壁同樣有RSC識別。
最啱中小型轎跑
售價：$1,300一條
PirellieuFori@車胎內壁構造較特別，胎壁有RunFlat同RSC字樣。
售價：$1,500一條
車胎提供：黃山汽車用品
地址：銅鑼灣興發街56號地下
電話：25714781
防爆劑
液態狀可填補刺孔
香港人揸車好少有定期檢查車胎氣壓的習慣，若然唔想發生爆胎時候不知所措的話，大可考慮事前做定預防措施。現時坊間有一系列車胎防爆劑產品可供選擇，只要事先在車胎內注入適量的防爆劑，液態狀的防爆劑便會慢慢形成一層保護膜，當遇到外物刺穿車胎的話，液態狀的防爆劑便會迅速填補刺孔，可免卻遇事爆胎即時的麻煩，直至有時間才找輪胎店修補車胎亦未遲。
補漏劑兼有充氣功能
如果真係咁唔好彩，荒郊野嶺遇到爆胎的話，若然你事先帶備有一樽車胎即時補漏劑，就算無後備車胎，又或者搵唔到輪胎店亦唔使怕，皆因這類補漏劑連充氣配搭，可即時填補被刺穿的車胎地方及充氣，但只啱突發時候的應急需要，事後仍需要到就近的輪胎店修補車胎才妥當！
補漏充氣劑推介
Check胎壓必備
坊間流行有多款可測度胎壓的喉嘴，兼且可分有多種唔同胎壓型號，當喉嘴的胎壓顯示黃間或紅間時候，即表示胎壓不足甚至乎處於偏低情況，影響正常的行車轉向表現。
TireSignal紅間顯示胎壓不足
只要將預設有胎壓數值的喉嘴替換上，日後當車胎氣壓降至較低位時候，便需要即時替車胎加氣，以確保行車正常，兼有耐用同慳油的好處。
Accutire數碼胎壓檢查器
昔日度胎壓只靠傳統的機械式胎表檢查，數值的精確性成疑，但新一代數碼式胎壓表有三個數位顯示，數據更準確。
Hella指針式胎壓表（免電池）
若然你對傳統的機械式胎表較具信心的話，相信這款胎表定必受落。
售價：$98
產品提供：金標緻汽車用品
地址：深水埗鴨寮街236號B地下
電話：27251918
胎壓感應器
獨立監察溫度胎壓
𠵱家新一代汽車，尤其係中價或以上的歐洲車，大多裝有TiresSensor（輪胎氣壓監察器），隨時昅實四輪車胎氣壓是否運作正常。若然你部車原裝無這套系統的話，𠵱家市面上新出有一套名為《第三眼》的外置輪胎監察器，獨立感應裝置可監察四輪胎壓同溫度，佢重附設有顯示器及警報，好讓駕駛者隨時檢查胎壓。其次，由於監察器係獨立運作關係，就算前後對換車胎或改裝於其他汽車身上亦得，就連重型車輛亦唔例外！
產品提供：同成有限公司（25256313）
車手李英健教你換胎安全法
原來李英健Marchy唔單止揸快車有一手，講到換車胎佢亦好有心得㗎！不過，Marchy事先聲明要響路面情況許可下，光線充足兼且有較闊路肩的避車處方可進行。首先，車主要穿起易於察看的螢光外衣，繼而在靠近車尾約10至15公尺遠，靠近車線旁放置障礙物，再於約50公尺外放置三角螢光警告牌，以知會尾隨車輛勿駛近及轉線，隨後才好開始換車胎程序，方為上策。
