亞軍陸詩韻在選美前是位空姐，但之前也有過演出經驗，曾客串參與電影《原始武器》，雖然只是咖哩啡，但足已令她對娛樂圈充滿憧憬，最終她更鼓起勇氣作最後衝刺，參選港姐，結果以冷馬姿態跑出，登上港姐亞軍寶座，對她而言實在莫大鼓勵。難怪陸詩韻如此興奮地說：「參加香港小姐同結婚都係咁靚。」
獲獎感意外
不過旁人總是會將目光集中在冠軍葉翠翠身上，陸詩韻一臉認真回答：「我諗呢樣嘢好正常，唔係點會分冠、亞、季軍呢，但得獎對我已經係好大鼓勵，冇諗過啲人會唔會留意我。」
陸詩韻坦言對獲獎感意外，但既然天意如此，她也趁機實踐夢想，並已擇定未來路向，陸詩韻說：「最重要睇我有冇觀眾緣，自己口齒比較伶俐，所以做司儀信心都大啲，好似鄭裕玲同曾志偉咁口才好好，但自問重係初哥，真係要多加磨練。」