陳奕迅(Eason)昨日於觀塘,出席「綠蘋果正能量少年團」義賣月餅大行動,由於昨日大會安排活動在下午二時三十分開始,但Eason足足遲到一小時才出現,問到他為何姍姍來遲時,他說:「你哋問主辦單位喇!我個通告係三點,咁我係遲咗半個鐘,係我唔啱對唔住囉,我最叻係唱歌,最唔叻係講嘢。」
遲到活動撒賴
Eason今晚亦會擔任香港迪士尼開幕表演嘉賓,日前更進行了總綵排錄影,他說:「因為天氣報告話有可能會落雨,所以都錄影咗先,咁到時真係落雨都有得播。上次入去行美國大街都行咗大半個鐘,個個人都搵我簽名同影相,下次我都想要求大會畀我VIP通行證,咁我都想去玩吓,唔係只係簽名同影相。」
採訪、攝影:藍文浩