我認，我係懶，但凡參加BBQ聚會，起爐、加炭、叉食物唔好預我，最好有人燒埋畀我食。下星期中秋節，班朋友又話搞BBQ，不過就向我發出Warning：「咪使旨意蹺埋雙手等食！」好在我醒目，識得搵有專人服侍的BBQ自助餐，唔使自己落手落腳，有大廚駐場即叫即燒，大師出手保證YummyYummy，一邊食一邊賞月，試問有邊個歎得過我！
記者：招佩珊
攝影：林栢鈞、楊錦文、伍慶泉
模特兒：Pian、Johnny、Ken、Vivien、Pillow（Salvador）
酒店級BBQ新場
位於旺角朗豪酒店的TheBackyard剛在月初才開業，逢星期五、六晚會有燒烤自助餐。這兒是名副其實的後園，入口在酒店內另一西餐廳旁，穿過窄長走廊才去到。來到後園，先被掛滿燈泡仔的高樹所吸引，大抵這就是浪漫。雖然被高樓大廈圍住，但抬頭亦看到一大片天空，中秋節當晚應該會看到月滿，若然無雲兼位置啱的話。
BBQ自助餐主菜自然是各式豬、牛、羊、魚等肉類，另外亦有熱盤及沙律吧，不過最正的還是那個海鮮盤，有生蠔、螺、青口、龍蝦仔的海鮮盤，以冰鎮形式上枱，確保新鮮。壓軸的飯後甜品又怎能錯過？藍莓芝士餅、芒果芝士餅、雜莓奶凍……一次過用晒成個星期的甜品Quota，此時此刻，肥死事小，記得留肚。
燒烤類
燒烤種類頗大路，都是澳洲西冷、牛肋骨、羊架、羊肉串、三文魚柳、雞胸、牛仔肉腸等。
海鮮盤
按人數送上的海鮮盤，有齊蝦、螺、生蠔、青口、海蝦、龍蝦仔，味道鮮甜夠新鮮。
熱盤
以配菜為主如薯茸、烤薯、烤番茄、烤粟米及蒜茸西蘭花等6-7款，貴精不貴多。
甜品
分兩大個Counter，一邊放滿近十款生果，另一邊放有蘋果批、藍莓芝士餅、芒果芝士餅及Brownies等，個人最喜歡兩款芝士餅，芝士味香濃但不會甜到漏，更飽肚的也忍不住口吃掉兩件。
食客有Say
TheBackyard（35523200）
地址：旺角上海街555號香港旺角朗豪酒店L4
供應時間：星期五及六6:30pm-10:00pm
收費：$348/位（成人）、$218/位（4-11歲小童）
座位：44個
東涌獨立屋歎歐陸風情
去迪士尼做足準備，聽日就正式開幕，你訂咗飛未？若撞啱中秋節當日入去探米奇，不如順便入埋東涌食飯過節。開業才3個月的Mood@downtown，坐落在距離東涌市中心約5-10分鐘車程的上嶺皮村。獨立屋餐廳佔地7,000呎，樓高兩層有齊酒吧、用餐區、卡拉OK房同貴賓廳，上、下兩層都有露台座位，入夜後點點燈火，像置身於充滿歐陸風情的小村落。
這兒為中秋節特備的BBQDinnerBuffet，有齊大路的沙律吧、海鮮吧、冷熱盤及燒烤肉類，連加一每位$250加多8毫子，吃多幾轉生蠔、螺、巴馬火腿等經已回本。啱啦，去迪士尼玩唔使排成粒鐘等位食飯，求其喺車仔檔買隻熱狗頂肚，留前鬥後一於BBQ大擦一餐。
巴馬火腿配蔬菜
燒烤以外備有冷、熱盤，平日吃個得幾片巴馬火腿的冷盤都要四、五十元，難得可以任吃。
燒烤類
肉類離不開豬、牛、羊、雞，推介肥嘟嘟的牛仔肉腸，記得外皮要燒得燶燶哋先至收貨，皮脆肉爽口感最正。
美國生蠔
海鮮吧有美國入口生蠔，食得打幾兩打都已經回了一半本。
食客有Say
Theresa：「呢度環境好舒服，入夜後涼涼哋喺度燒烤好正。」
Mood@downtown（29888683）
地址：大嶼山東涌道上嶺皮村11H
供應時間：9月18日6:30pm-10:30pm
收費：$228/位（成人）、$118/位（11歲或以下小童）
座位：180個
備註：東涌地鐵站有免費專車接送，到達前10分鐘致電可作出安排。
追月當晚食腸過啤酒節
每年10月，本地有不少餐廳都會學似德國咁搞番個啤酒節，今年，HabituTheGarden亦湊熱鬧，由10月2日開始，整個月每晚都有以德國美食做主打的BBQBuffet。而在9月19日（追月）當晚，一於來個優先場，等你喺紅日假隊吓啤食吓豬手，飲飽食醉過一晚。食物種類唔多，主要是豬手、香腸、酸椰菜、薯仔同沙律，但$180任食包1杯德國啤酒，重已經計埋加一，平日喺呢度食個晚餐都唔止啦！還有，最近露天平台作了個小變身，除了原有的田園Feel木枱櫈外，加多一排梳化座位，坐落軟腍腍唔願起身。
去骨德國鹹豬手
去骨版的鹹豬手切成薄片上碟，論口感不及原隻豬手一大嚿肉咁Juicy，但奇就奇在吃薄片豬手無咁黐牙。
德國鹹豬手（前）
德國肉腸（後）
BBQ自助餐的兩款主角，豬手浸於啤酒內先焗2小時，然後將外皮烤至脆身，入口肉腍皮脆；由德國入口的牛仔肉腸，肥嘟嘟肉味濃，皮脆汁多，幼身的豬肉腸，辣辣哋有胡椒香，兩者都相當惹味。
洋葱煙肉炒薯仔
齋食肉好快膩但未必夠飽肚，那麼充滿牛油香的香滑薯茸，或者惹味的炒薯仔足以填飽你個肚。
食客有Say
HabituTheGarden（28983919）
地址：銅鑼灣恩平道28號利園二期3樓
供應時間：9月19日、10月2至31日7:00pm-10:30pm
收費：$180/位（包1杯德國啤酒）
座位：約100餘個
備註：需預先購票，10月份啤酒節於9月15日開始售票。
