過去廿年，香港經濟大起大跌，就好似坐過山車一樣，淨係靠炒炒賣賣就日日魚翅撈飯嘅日子，香港人享受過；一夜變成負資產連工都無埋嘅日子，亦有唔少人親歷其中。對於經濟起跌，學者最敏感，城市大學商學院經濟及金融系副教授李鉅威（圖），用咗數年時間，整理過去二十年香港經濟變化，加上個人意見及提議，寫成《TheHongKongRecoveryandRestructuring》（香港經濟──復甦及轉型）一書。
李博士同八方講，雖然近年中國加入世貿，加埋CEPA同自由行，令香港經濟復甦，但其實只係惠及幾個行業，靠需求帶動嘅經濟並唔長遠，香港最重要仍然係諗究竟點轉型，例如發展基建、資源。李博士重提出咗兩個新構思：一就係喺蛇口對開整個人工島發展工業，另一個就係喺香港辦國際性賽艇比賽，皆因香港四面環海唔好嘥，除了有利旅遊同服務業，重可以帶動船隻維修、運輸。
爆料熱線：29290000、27860099
報料傳真：26239278
報料電郵：[email protected]