烏龍刑警朴相勉<br>煲劇全攻略:《愛的通緝》笑聲破奇案

烏龍刑警朴相勉
煲劇全攻略:《愛的通緝》笑聲破奇案

韓劇《愛的通緝》係齣搞笑警匪劇,喺咁多演員裏面,我煲碟妹淨係識得朴相勉同吳智浩,卡士唔算太勁。朴相勉喺電影《我老婆係大佬》中飾演戇直老公,吳智浩就係同神話Eric一齊做《新進社員》嗰個靚仔小生,今趟佢同朴相勉齊齊做刑警捉賊,笑料百出。

韓劇《愛的通緝》以李大進警長為首,帶領手下朴相勉、吳智浩、李惠英和金成恩等一班刑警撲滅罪案,每個角色均沿用演員的真實姓名,搞笑又親切。

愛情與溫情兼備

該劇每集都有個獨立故事,以其中一位主角做主線,描述刑警怎樣屢破奇案。其實一班刑警查案時烏龍百出,弄出不少笑話,隊員之間亦相互發展愛情、友情和親情線,令硬朗的警匪劇情中洋溢絲絲柔情。
愛情線方面,有戇直單身寡佬朴相勉單戀老闆娘、新進女隊員金成恩苦追隊友金仁權、靚仔吳智浩和年紀比他大的師姐李惠英相戀,當中遇上不少誤會和波折,但最後都有情人終成眷屬。
友情線就有金仁權和朴相勉因贓款證物而互相猜疑,險些鬧翻,友誼備受考驗。至於親情線,則有離婚後的李大進隊長怎樣跟關係疏離的女兒相處,從中讓他更懂得跟下屬溝通。
全劇較為人熟識的應是在《我老婆係大佬》中扮演申恩慶丈夫的朴相勉,他在劇中飾演中年縮骨差佬,演得恰到好處,十足香港的夏雨。而靚仔演員吳智浩在《新進社員》中cool到痹,但今次一改風格,角色勤奮忠直,帶一點儍氣,加上高大身形,難怪在劇中迷倒女主角李惠英。

韓版孔慶翔搶鏡

另外還有一個貌似WilliamHung孔慶翔的演員金仁權,樣子勁儍,身形又圓又矮,煲碟妹覺得他非常搞笑,搶去不少鏡頭,是個不錯綠葉。
劇名:《愛的通緝》
演員:
朴相勉(飾演朴相勉)
吳智浩(飾演吳智浩)
李惠英(飾演李惠英)
金成恩(飾演金成恩)
金仁權(飾演金仁權)