遭斬傷的七歲男童岑浩賢，三天前秘密出院後一直居於親友家中，行蹤極為神秘。曾與賢仔約定到香港迪士尼樂園遊玩的林海星，眼看樂園將於明天開幕，但他卻與賢仔失去聯絡，對好友倍感掛念。林海星說：「賢仔，你快啲搵我啦！我哋幾時一齊玩？幾時一齊去迪士尼呀？」
憂心好友學業
林海星又說，賢仔出院後一直沒有找他，他亦無法與賢仔家人取得聯絡，連日來只能把玩賢仔贈送的高達機械人解愁。
海星透過傳媒對賢仔說：「迪士尼就快開啦，我哋幾時去呀？聽講你（賢仔）要搬去沙田，可唔可以唔好搬咁遠？等我可以成日同你玩呀？」
趁周末在家做功課的海星，念及賢仔無法上學時，也想起昔日兩人同窗讀書的情景，對好友的學業問題倍感憂心：「賢仔，我𠵱家每日都要返學，你就冇得返，唔知你使唔使做功課，若果有嘢唔識，我可以教你喎。」海星表示，過去幾乎每天和賢仔通電話，就算賢仔入院後，兩人亦保持聯絡，雙方都是對方最重要朋友，故希望賢仔看到報道後，可立即致電找他。
另外，一直協助賢仔家人的黃家華議員表示，岑父希望讓賢仔靜養一段時間，不受閒雜人等騷擾及傳媒追訪，故暫時婉拒各方有心人的探訪。
記者：吳淑義