近日有報道指郭羨妮在內地拍劇期間隨處「方便」，同是無綫旗下花旦的宣萱，前晚出席一時裝活動時力撐郭羨妮，認為演員在荒蕪之地開工，此情此景確是情非得已。
宣萱、向海嵐、李彩華(Rain)、滕麗名和韓君婷，前晚一起出席中環IFC舉行的2005秋冬時裝滙演，期間阿Rain和滕麗名分別穿上性感tubetop和露肩裝，搶盡其他女星風頭。
向海嵐教路少飲水
近日有雜誌指郭羨妮在河南拍攝劇集《爭霸傳奇》期間，為貪方便而棄廁所不用，寧願匿埋片場一二角「解決」。同是港姐冠軍的向海嵐被問到此事時，顯得有點避忌，未有正面回答，只說：「我自己去到荒山野嶺拍嘢嘅時候，會飲少啲水，等到放食飯嗰陣先至去。」
不過，宣萱卻力撐郭羨妮說：「好正常啫，傳媒唔好做到咁誇張！我好明白演員喺荒山野嶺冇廁所，迫不得已先至會咁做。我就盡量叫司機車我去就近廁所，然後匿埋一邊搵助手睇水。」
見前男友毋須備案
此外，前晚活動是阿Rain前男友丁子高任搞手，阿Rain今次應邀做嘉賓，事前可有向緋聞男友蕭定一交代？阿Rain說：「唔使交代，拍廣告就話要交代啫，其他唔需要。」早前蕭定一被拍得與阿Rain父母吃飯照片，阿Rain認為普通朋友食飯十分平常，過往已有十多男性朋友及男同學跟她父母吃過飯。記者問她跟父親關係是否和好時，阿Rain說：「關係一向咁好，爹哋只係之前生意上有啲問題啫。」
