林子祥（Lam）○三年喺汪明荃演唱做嘉賓跌落台受傷之後，早排又再喺紅館做徐小鳳演唱會嘉賓，睇嚟佢已經克服咗對台上機關嘅恐懼。今年係阿Lam入樂壇三十周年，佢決定再踏上紅館舞台，十一月十七至十九日，舉行三場名為「子有祥情」演唱會。上次跌傷之後，佢對舞台設計尤其緊張，所以今次會同細佬一齊親自設計舞台。