若果你同筆者一樣，錯過咗《恐怖蠟像館》上畫時入場收看嘅機會，你大概都會以名字估佢係部恐怖片，不過當睇完長達近2小時嘅DVD後，就發覺內容除咗驚嚇外，更有唔少「惡心」鏡頭，睇住「真人蠟像」，感覺真係非筆墨所能形容，好此道者必定睇得特別過癮。
記者：許福合
同類電影中，以《德州電鋸殺人狂》最予筆者深刻印象，同樣講一班人如何逐一被殺，不過唔同嘅係《德》以真人真事做賣點；而《恐怖蠟像館》就主要「賣假」，以真人做蠟像，全片集驚嚇、血腥、暴力、惡心元素，難怪此碟需要列作「三級」登場！
故事略嫌公式
電影橋段有啲公式化，故事講卡莉鍾斯（依莉莎潔拔飾）、佩姬愛德華茲（ParisHilton飾），同佢哋幾位好友結伴驅車前去觀看球賽，於前一晚到野外露營。令人掃興者，同伴間相處火藥味十足，難以和睦相處，及後更發現汽車被人動過手腳無法開動，於是就前往附近一個叫安布羅斯小鎮，一個地圖上不存在嘅小鎮，度宿一宵。鎮上似乎沒人居住，不過有一間蠟像館，裏面收藏咗好多栩栩如生嘅蠟像，而且重非常生動逼真！原來這裏所有蠟像，係由一個殺人魔用被害人身體所做成！整套電影就圍繞蠟像館當中被殺同追殺而構成，不過編劇就認真抵鬧，成套劇嘅戲肉蠟像館，差唔多要開場後40分鐘先出現！對等住「睇血」嘅觀眾，真係有啲睇到唔耐煩！
故事略嫌公式
電影橋段有啲公式化，故事講卡莉鍾斯（依莉莎潔拔飾）、佩姬愛德華茲（ParisHilton飾），同佢哋幾位好友結伴驅車前去觀看球賽，於前一晚到野外露營。令人掃興者，同伴間相處火藥味十足，難以和睦相處，及後更發現汽車被人動過手腳無法開動，於是就前往附近一個叫安布羅斯小鎮，一個地圖上不存在嘅小鎮，度宿一宵。鎮上似乎沒人居住，不過有一間蠟像館，裏面收藏咗好多栩栩如生嘅蠟像，而且重非常生動逼真！原來這裏所有蠟像，係由一個殺人魔用被害人身體所做成！整套電影就圍繞蠟像館當中被殺同追殺而構成，不過編劇就認真抵鬧，成套劇嘅戲肉蠟像館，差唔多要開場後40分鐘先出現！對等住「睇血」嘅觀眾，真係有啲睇到唔耐煩！
蠟像造型 栩栩如生
成套片嘅賣點同焦點，當然是那栩栩如生嘅蠟像及令人震撼嘅特技化妝，尤其有幾幕將生人製成蠟像鏡頭，印象就最深刻，當卡莉鍾斯男友塊面被「揭起」時，真係睇到人毛骨悚然，視覺效果相當強烈！
而在營造小鎮上全為真人蠟像死城，都算係個恐怖嘅奇想，不過奇就奇在有部份蠟像識得動，有啲就唔識，而電影亦玩得唔夠盡，若果出現整個鎮蠟像都跑出嚟追殺嘅場面，效果會更震撼；即使戲院同教堂兩段，都只係輕輕帶過，有網友就話戲院那幕係諷刺現時戲院內觀眾睇戲好似蠟像一樣，雖然唔知導演原意，不過明顯電影未有好好喺呢方面發揮。
兩女角 演技突出
《恐怖蠟像館》雖然充滿血腥同核突鏡頭，主角們就起用靚人靚Look，而兩名女角更不時Show身材，依莉莎潔拔更全程着住小背心，配上個靚樣，都幾養眼，而且演技發揮亦算不錯，算係《24》後一個演繹得唔錯嘅角色。
而另一女角ParisHilton，亦係此片話題之一，雖然演技欠奉，亦無暴露鏡頭，只有一幕着內衣褲跳性感舞蹈，但已經令一眾男觀眾留下深刻印象。至於一眾男主角，筆者睇完都無咩評價，只係流於被追殺嘅角色，談唔上咩嘢演技。末段一如所料，以將蠟像魔人打低為結局，而特別嘅係原來整個蠟像館都係用蠟所造成，火燒下開始熔化，而主角們亦因而得以脫險，比較令人意外！
必睇Bonus
20噸蠟打造恐怖蠟像館
Making絕對必睇，為咗營造恐怖嘅場景，原來電影中共動用了20噸蠟！當中最經典梗係煞科一幕，將整間蠟像館包裹在一層溶蠟之中！據知為拍呢場戲，蠟像館中嘅客廳、音樂廳、廚房及地牢更先後製造咗兩個，以作後備。烈燄加上溶蠟，令拍攝中嘅演員非常辛苦，加上鏡頭每次只可以一Take過，否則工作人員就需要將溶蠟去除掉，才可以重拍一次，認真唔講得笑。如果想知道多啲拍攝花絮，就要睇Bonus喇！
