早前有報道指廖碧兒遭狂迷追蹤，被迫「封胸」，前晚她雖以密實造型在中環行時裝騷，但仍吸引男fans圍觀狂影。問廖碧兒可會請陳豪護花？她說：「唔使啦，我有爹哋就夠。」
意國時裝品牌Max＆Co.前晚在中環CafeLandmark舉行○五秋冬騷，請來廖碧兒任客席模特兒，新裝以波希米亞風情為主題，大量飄逸碎花裙、暖和針織外套、牛仔皮靴等，散發浪漫及型格味道。
埋怨陳豪不聞不問
近期有報道指廖碧兒受到熱情狂迷追蹤，被迫「封胸」，前晚她打頭陣出場，其後再由名模樂基兒、陳嘉容和LisaS.等伴着壓軸亮相。雖然廖碧兒全程打扮密實，以tubetop及胸圍打底，但仍吸引不少男士以手機或DV機等狂拍。
廖碧兒事後說：「都唔係封胸，行騷冇所謂，公眾地方好難避免俾人影，都唔擔心，fans一向知我去邊，都會支持吓。今晚有經理人陪，平時爹哋又寸步不離我，出入小心啲囉。」
問廖碧兒可會請陳豪護花？她透露對方沒有慰問她，並說：「唔使啦，我有爹哋就夠，同埋我細個學過跆拳道，係藍紅帶。」問廖碧兒可曾收過影迷的癡情信或內容核突信件，她說：「啲信每次都係爹哋幫我拆、讀畀我聽，冇乜問題。」
王敏德長女賺外快
此外，藝人子女成為模特兒生力軍，王敏德長女王曼喜前晚首次行騷，與余安安長女李文琪同場，王曼喜說：「個job係媽咪接，幾多酬勞我唔知，第一次行騷又係最矮一個，都幾緊張。」訪問中途，王曼喜突然被工作人員拉走，原來她翌日要返學，不能留太夜。
採訪：RitaLeung
攝影：ChanChiLam
