香港迪士尼樂園後日開幕，但混亂及服務問題不止，陳慧琳早前為香港迪士尼拍攝MV時，亦覺得美國迪士尼的高層態度不佳及過份苛刻，令她感到不快，Kelly坦言不會再為迪士尼做宣傳。
陳慧琳（Kelly）昨日到商台接受訪問時，談及最近香港迪士尼不斷被指服務不佳，有不少投訴，而早前吳彥祖及其組合alive為迪士尼義務拍攝宣傳片時，亦表示曾受迪士尼美國方面的職員無禮對待，Kelly早前剛為迪士尼拍攝MV，原來她也有不愉快的經歷。
美國高層諸多要求
Kelly說：「我覺得唔係thebest，做唔到好似劉德華嗰句『今時今日咁嘅服務態度係唔夠』囉。」Kelly憶述拍攝當日，有數名美國迪士尼管理高層在現場監管他們的拍攝進度，Kelly形容他們要求很高，可以說是有點苛刻。
Kelly說：「雖然我冇直接同佢哋接觸，但係都見到佢哋態度唔係幾好，好似我哋同一間房拍嘢，佢話我哋冇申請，其實我哋只係拍十分鐘到，咁我拍MV要咪嘴，又話我哋啲音樂太大聲，其實嗰時成個迪士尼得我哋拍緊嘢，都冇晒遊客，最後啲音樂細聲到連我都聽唔到。」
去信反映官腔答覆
Kelly還見到香港的公關，被那幾名美國高層鬧到口窒窒，問Kelly會否再為迪士尼宣傳？她說：「我諗唔會再做囉，如果係香港迪士尼叫我可能都會考慮嘅，因為香港嘅工作人員係冇問題。」
Kelly更不諱言拍攝當天心情確實有所影響，她說：「真係估唔到係咁，迪士尼原來一啲都唔夢幻囉，我之後都有寫信去迪士尼反映，佢哋都有覆，只係一啲好官方嘅答案囉，不過算啦，都過咗咁耐我都冇咗啖氣啦。」
採訪、攝影：胡比