樓市興旺，出現互換物業個案，蘭西日前八到，由方姓投資者月前以逾一億一千八百萬，向投資老手羅家寶購入嘅灣仔胡忠大廈二十七樓，近日同會計師公會持有嘅同座三十二樓，進行「以物易物」，交換嚟用。
地產界老友話，二十七樓交吉，而三十二樓則連租約。會計師公會現正標售一直自用嘅金鐘力寶中心二座四樓，以及同座大廈八○三室，因此需要新寫字樓做日常運作，呢個可能係換樓嘅一大原因。胡忠每層約二萬五千呎。
蘭西問老友，一個高層同一個低層單位，雙方喺互換物業時，係咪要涉及金錢補償，佢話暫時不得而知。佢同蘭西講，會計師公會現時亦持有胡忠大廈三十六樓全層，以及三十五樓部份樓面，但全部都連租約。
電郵地址：[email protected]