噚日倫敦政治經濟學院（LSE）喺金鐘搞咗個大型論壇，唔少校友都有捧場，原來港交所主席李業廣係校友，所以今次活動有港交所協辦，重請到特首曾蔭權喺中場茶敍嘅時段到一到。據曾任英國金融監管機構主席嘅LSE院長戴維斯話，曾特首以前做財政司嘅年代，都有去英國拜訪佢，所以今次先請到特首大駕光臨。另外，重有署理財政司司長葉澍堃做開幕嘉賓，原來葉司長位公子都係LSE校友，噚日戴維斯送咗頂帽畀葉澍堃，葉澍堃唔怕整亂個頭即時戴上，都好畀面。
據LSE香港校友會負責人勞滿濤話，香港係LSE亞洲區校友最多嘅地區，有成千多人。呢個論壇舊年喺曼谷搞咗第一屆，明年會移師印度，第日可能會去上海搞，因為現時唔少內地學生都有報考該校。
傳真︰2623-9278
電郵︰[email protected]