李小冉、何韻詩和吳佩慈等中、港、台、韓和泰國五位靚女，昨日在中環睇Dior騷，而去年因懷孕無法為Dior行騷的名模琦琦，昨日打頭陣兼壓軸登場，更是全場唯一的華裔模特兒，地位超然。
法國名牌ChristianDior昨晚在中環連卡佛舊址搞大型派對，昨午首先舉行○五秋冬騷。今季Dior以「OffDutyIcon」為主題，以昔日巨星如柯德莉夏萍和JeanHarlow等平日出入的衣着打扮作靈感，展示大量wearable的長褸、羊仔皮外套和針織大衣等。
着長靴搞足20分鐘
琦琦穿上紫色釘珠高貴晚裝，配上型格皮褸壓軸出場，大顯名模風範。琦琦完騷後說：「今次好開心，因為Dior舊年已經搵我行香港同內地嘅騷，但我大肚唔得，佢哋好有心，等足我一年，今日全場都係鬼妹models，只得我一個中國人，好開心。」
琦琦又透露後台趣事，她說：「我第一個出場，對長靴冇我咁大size，又要縛好多繩，要由三個dresser幫我手着，着足二十分鐘先搞掂，好彩我之後壓軸，大把時間除鞋。」
大會特別請來中、港、台、韓、泰五地明星代表上台，分別是李小冉、何韻詩、吳佩慈、韓彩英（曾演韓劇《藍色生死戀》）及PaulaTaylor。忙於籌備舞台劇《梁祝傳奇》的何韻詩透露本獲Dior贊助一套couture演出舞台劇，但最終因服裝損壞作罷。
阿詩自爆戲服性感
阿詩說：「其他戲服都好性感，好似冇着褲咁，換衫時間又趕，到時喺後台男助手真係睇晒我。」阿詩昨日身穿黑白針織上衣示人，問她何故仍要打底，她笑說：「等我窮途末路先考慮唔打底啦。」吳佩慈則大談早前在四川工作時品嘗古怪食品的經歷。
採訪：RitaLeung
攝影：ChanChiLam
