梁寶榮終於甩身，唔使再做駐京辦主任，下個月可以開始過退休生活，等夠時間再入江湖。而駐京個主任位，好難搵D8做，但D6都夠班啦。不過，因為呢個位仍然好難搵人頂，因為上京屬於外派任務，官員有權揀去唔去。
好似旅遊事務專員鄭汝樺（圖），佢阿姐係煲呔嫡系，做個煲呔左右手，明顯係打得一族，呢輪忙於迪士尼開幕，當然冇時間諗調位。
就算將來迪士尼搞定，但係Eva鄭都要照顧家庭，未必走得開。重有一個考慮，就係鄭汝樺係女人，而駐京成日都要交際應酬，飲酒食煙少不免，女人未必方便。唔好以為中國大陸成日話婦女頂起半邊天，男女好平等，但係女高官其實好少。你睇，政治局有幾多個女人？有冇一個常委係女人？
傳真︰2623-9278
電郵︰[email protected]