六十一歲獨居的根叔，早前獲房屋署編配公屋單位，惟他無力購買洗衣機及雪櫃，遂向本報求助，經報道後，已獲讀者轉贈九成新的半自動揭蓋式洗衣機，惟他尚欠一部雪櫃，有待援手。
飽受腰骨痠痛困擾的根叔向記者表示：「有讀者捐洗衣機畀我梗係好，新、舊都冇乜所謂，最緊要有部洗衣機幫輕我洗衫褲同埋床單，多謝晒。」
遭裁員 失業逾年
患上糖尿病及高血壓的根叔，曾從事保安員，一年多前遭裁員失業至今，現靠綜援金過活。早年他與妻子仳離，曾入住房署轄下的中轉屋，近月，他獲房署分配位於牛頭角的公屋單位，雖可改善居住環境，但已花去大部份積蓄。
遷公屋 家徒四壁
自遷入新居後，根叔全靠朋友義務替其新居的天花板及牆身髹油，減輕開支，另朋友亦轉贈電風扇及電視機予他。根叔歎道：「呢次搬屋嘅租金加埋雜費按金都使咗幾千蚊，重邊度有多餘錢買電器吖，𠵱家最希望有部雪櫃，等我可以煮飯食，跟住將啲食剩嘅餸菜『雪』起佢，留番第日再食，咁可以慳番唔少買餸錢。」
捐款編號：C1766
暖流熱線
電話：29908688
傳真：23702192
電郵：[email protected]