湯盈盈出道至今都被認定是性感女藝人，曾有段時間被封「姣神」，對此她感到不開心。湯盈盈日前接受《HIM》雜誌訪問時說：「香港同外國人眼中嘅性感好唔同，好似喺加拿大，女仔着吊帶背心出街好普通，喺香港就會變成性感衣着。」
湯盈盈續說：「初入行俾人話性感，重以為讚我，點知惹嚟唔少負面新聞，俾人用姣神形容係最難過嘅，所以我之前都唔敢着得太性感出現。」
思想保守
在外國長大的湯盈盈自言思想西化，衣着稍為開放，但思想絕對保守，連朋友圈子都很窄，她說：「就算我遇到一見鍾情嘅男仔，都唔會貿貿然做主動，即使咁樣錯失大好良緣，自己都唔知㗎。」