剛從青島返港的許志安昨日接受新城訪問，對於舊愛鄭秀文（Sammi）成威尼斯影后大熱，安仔與Sammi的答案不謀而合，他說：「你哋點知係大熱？」Sammi以「嘻嘻」兩聲回應安仔跟內地歌手韓紅激吻一事，安仔說：「佢嘻嘻我哈哈，（韓紅）真係我契妹，係值得好笑。」
Sammi前日抵達威尼斯時被發現手腳有疤痕，有傳她自殘軀體，安仔對此說：「真係哈哈，點會啫？」
安仔跟Sammi究竟多久沒見面？Sammi性格又有否改變？安仔說：「威尼斯問完就夠。」
安仔覺得電影《長恨歌》在他心目中經已奪獎，若果Sammi真的奪影后，則是香港人的驕傲。安仔表示會捧場睇《長》，談到會否問Sammi攞飛睇？他說：「我有錢買。」
勢必捧場
安仔將出席十一日晚的迪士尼大匯演，他會聯同美籍歌手PaigeO'Hara合唱《木偶奇遇記》主題曲。安仔表示會抽空遊迪士尼，近日與他一起拍劇的韓星朴恩惠更要求安仔買米奇老鼠作手信，他笑言自己便是老鼠。
採訪、攝影：馬建華