話說早前衞福局常秘尤曾家麗帶咗個香港特區代表團上京，參加世界婦女大會同埋中國婦女十年發展成就展，八方聽聞，國務院副總理吳儀對香港展區十分有興趣，尤太亦好詳細向佢介紹特區政府同各界喺促進香港婦女福祉方面嘅工作情況。
咁你估副總理最欣賞香港啲乜嘢呢？原來係特區為婦女提供子宮頸癌嘅檢查，原來呢樣服務全世界只有香港有，唔怪得吳儀咁有興趣，重猛讚香港好嘢。
講番尤太，佢呢輪成日為豬忙、為魚忙，一個女常秘頂晒個超級大局嘅工作，大家都戥佢辛苦，尤太雖然係女鐵人啫，都唔做得咁多，於是有人就建議周一嶽趁唐唐下年度有新錢，申請開多個新常秘位，尤太睇住食物，而衞生福利就由另一位負責，即係好似葉澍堃同馬仔亨一樣，都有兩個常秘幫手啦。
傳真︰2623-9278
電郵︰[email protected]