最近有報道指蔡慧敏遭禁錮，前日她被問及此事時淚如雨下，更謂：「過去嘅事唔想再提。」但問到蔡慧敏有何消暑妙法時，她表示最愛游泳，並自言不想導彈身材成為焦點，所以甚少穿比堅尼，她更是游泳健將，各種泳式均難不到她！
炎炎夏日，蔡慧敏最愛碧波暢泳，雖然其外表一點也不似運動健將，原來她精通自由式、蛙式、背泳等泳式。
蔡慧敏有空便會到屋苑泳池游泳，但卻甚少穿比堅尼，她說：「做運動通常着一件頭泳衣，戴埋泳帽同近視泳鏡，冇人認得我㗎，我有成五、六百度近視，如果除埋泳鏡，同盲人冇分別，上水更加唔可以除啦，容乜易跣親㗎。嗰時錄《水着獎門人》唔畀戴泳鏡，搞到我成日俾人推落水都唔知乜事！」
讚洋妞身材勁
蔡慧敏自言甚少去沙灘，問她可是擔心遭人博懵？她說：「以前喺澳洲讀書就成日去，啲鬼妹身材重勁啦，我呢啲拍埋去簡直係碎料，佢哋除埋個bra曬太陽，都不知幾平常。我本身唔係咁鍾意曬太陽，咪好少去沙灘囉！」
採訪：卓美娟 攝影：何國豪
化妝：Didi@A&VMakeUpSchool
髮型：tripleedgeh（ArthurPoon）
