美聯噚日公布中期業績，唔能夠唔提令到主席黃建業人氣急升嘅「美聯729物業專訊」，黃老闆除咗肯講初期使咗千三萬宣傳費外，咩數都唔肯講，佢話只係資源調配唔使好多錢，重希望呢份專訊可以玩到佢上天堂為止咁話。
另外，美記澳門分行俾人放「炮仗仔」，自然成為焦點，黃建業喺記者會上話，估計係因為美記太積極，啲舖閂得夜過人、又唔跟人地圈貨玩法而得罪人，雖然佢哋對澳門政府有信心，但仍諗住放緩投資步伐，等件事淡化再前進云云……不過，當蘭西返到公司後，即刻收到佢哋嘅來電話有嘢更正，正確版本係，冇諗過修訂澳門嘅投資策略喎！
電郵地址：[email protected]