袁詠儀（靚靚）與陳小春主演的劇集《我家不打烊》，下月中會在內地和台灣播映，劇中兩人扮演夫妻，後來靚靚為了追求理想，不惜拋夫棄女，但現實中的她希望以家庭為重，不會為理想放棄親人。
袁詠儀與陳小春主演的劇集《我家不打烊》在內地拍攝時，令靚靚最難忘是與好朋友小春幾乎鬧翻，因小春拍此劇時突然鬧情緒，在拍攝現場發脾氣摔東西，氣得靚靚與他吵起來，但兩人冷靜下來後，總算雨過天青。劇中兩人演夫妻，但靚靚因為要尋覓理想，竟然拋夫棄女，獨自到別的地方求發展。
爭奪女兒
靚靚在《我》劇是一位女強人，十分緊張自己的事業，家庭反而放在次位，她日前接受電話訪問說：「劇入面我同小春原本好恩愛，有一場戲重交代
我同佢喺初相識嘅地方——大理訂終身㖭，但結婚之後，生埋個女，我發現自己唔多適合做一個家庭主婦，所以先至會同老公離婚，將個女交畀老公照顧，但後來我發現個女變得好壞，所以決定要攞番個女畀自己湊。」
家庭為重
在現實生活中，靚靚一直希望與張智霖擁有自己家庭，為他生一個小孩子，靚靚說：「如果有咗自己嘅小朋友，我一定唔做嘢啦，點會同齣劇個女主角咁，拋夫棄女去追求理想呀？咁樣太自私啦，雖然我都有好多理想，但我會選擇在婚前全部做晒佢，到有咗細路之後，我肯定係以家庭為重啦。」
